बाढीपीडितको राहतका लागि दुई मेडिकल कलेजद्वारा ७५ लाख रुपैयाँ सहयोग

नेपाल मेडिकल कलेज र वीरगञ्जस्थित नेशनल मेडिकल कलेजले रसुवा, नुवाकोट र धादिङका बाढीपीडितका लागि संयुक्त रूपमा ७५ लाख रुपैयाँ सहयोग गरेका छन्। अध्यक्ष प्रा.डा. जैनुद्धिन अन्सारी नेतृत्वको टोलीले सोमबार अर्थमन्त्रालयमा अर्थमन्त्री डा. स्वर्णिम वाग्लेलाई उक्त राहत रकम हस्तान्तरण गरेको हो। प्राकृतिक विपद्का कारण प्रभावित भएका नागरिकको सहयोगका लागि यो रकम प्रदान गरिएको हो। कठिन परिस्थितिमा राज्य र नागरिकको साथमा उभिने प्रतिबद्धता कलेजहरूले व्यक्त गरेका छन्।