एसिया प्यासिफिक स्क्रिन अवार्डमा ‘एलिफेन्ट्स इन द फग’ तीन विधामा मनोनीत

अविनाश विक्रम शाहद्वारा निर्देशित नेपाली चलचित्र ‘एलिफेन्ट्स इन द फग’ १९औँ एसिया प्यासिफिक स्क्रिन अवार्डको तीन प्रमुख विधामा मनोनीत भएको छ। अस्ट्रेलियामा आयोजना हुने यस अवार्डमा फिल्मले उत्कृष्ट चलचित्र, उत्कृष्ट निर्देशक (अविनाश विक्रम शाह) र उत्कृष्ट अभिनय (पुष्पा थिङ लामा) विधामा मनोनयन पाएको हो। एसिया प्यासिफिक स्क्रिन एकेडेमीले सार्वजनिक गरेको यस सूचीमा ३२ देशका ३६ चलचित्रहरू समावेश छन्।