वन्यजन्तु अपराध नियन्त्रणका लागि क्षेत्रीय सहकार्यमा मन्त्रीहरूको जोड

परराष्ट्रमन्त्री शिशिर खनाल र कृषि, वन तथा पर्यावरणमन्त्री गिता चौधरीले वन्यजन्तु अपराध नियन्त्रणका लागि क्षेत्रीय सहकार्य आवश्यक रहेकोमा जोड दिनुभएको छ। ललितपुरमा आयोजित एक कार्यक्रममा बोल्दै मन्त्री चौधरीले वन्यजन्तुको अवैध दोहन गर्ने अन्तरदेशीय आपराधिक सञ्जालविरुद्ध दक्षिण एसियाली मुलुकहरूबीच प्रभावकारी समन्वय हुनुपर्ने बताउनुभयो। मन्त्री खनालले जैविक विविधता संरक्षण र सीमापार अपराध नियन्त्रणका लागि क्षेत्रीय सम्बन्ध सुदृढ बनाउनुपर्ने आवश्यकता औंल्याउनुभयो।