भोटेकोशी बाढी पीडितलाई बागमती प्रदेश सरकारले सुरक्षित स्थानमा पुनर्वास गराउने

बागमती प्रदेशका मुख्यमन्त्री किरण थापामगरले भोटेकोशी बाढीबाट घरबास गुमाएका नागरिकलाई प्रदेश सरकारले सुरक्षित स्थानमा बस्ती निर्माण गरी पुनर्वास गराउने घोषणा गरेका छन्। भक्तपुरको सूर्यविनायकमा सञ्चारकर्मीहरूसँग कुरा गर्दै उनले भोटेकोशी र त्रिशूली नदी किनारका जोखिमयुक्त क्षेत्रमा पुनः बस्ती बसाल्न नहुने बताए। यस योजना अन्तर्गत स्थानीय तहले जग्गा उपलब्ध गराउने र प्रदेश सरकारले आवास निर्माण गर्ने सहमति भएको छ।