विपद्का बेला सुरक्षा निकायविरुद्ध घृणा फैलाएको आरोपमा जनक परियार पक्राउ

जिल्ला प्रहरी परिसर काठमाडौँले सुरक्षा निकाय र राष्ट्रसेवक कर्मचारीविरुद्ध सामाजिक सञ्जालमार्फत घृणा तथा द्वेष फैलाएको आरोपमा २७ वर्षीय जनक परियारलाई पक्राउ गरेको छ। रुकुम पश्चिम घर भई हाल टोखा बस्दै आएका परियारलाई विपद्को समयमा खोज तथा उद्धारमा खटिएका निकायप्रति नकारात्मक सामग्री प्रकाशन गरेको अभियोगमा अनामनगरबाट नियन्त्रणमा लिइएको हो। नागरिक र सुरक्षा निकायबीचको सम्बन्धमा खलल पुर्‍याउने कार्यमा संलग्न रहेको भन्दै उनलाई प्रहरीले पुनः पक्राउ गरेको जानकारी दिएको छ।