कपिलवस्तुको बाणगङ्गा नदीमा एक बालकको उद्धार, अर्का एक जना बेपत्ता

कपिलवस्तुको बाणगङ्गा नदीमा पौडी खेल्न गएका दुई बालक नदीको बहाव बढेपछि बीचको टापुमा फसेका थिए। इलाका प्रहरी कार्यालय पिपराका प्रहरी वरिष्ठ नायब निरीक्षक यज्ञबहादुर पुनको नेतृत्वमा खटिएको टोलीले एक बालकको सकुशल उद्धार गरेको छ। अर्का एक बालक भने अझै बेपत्ता रहेकाले उनको खोजी कार्य जारी रहेको प्रहरीले जनाएको छ। बाणगङ्गा नगरपालिका–८ का ती बालकहरू नदीमा अचानक आएको बाढीका कारण जोखिममा परेका हुन्।

कपिलवस्तुको बाणगङ्गा नगरपालिका-८ स्थित बाणगङ्गा नदीमा पौडी खेल्ने क्रममा आएको आकस्मिक बाढीका कारण टापुमा फसेका एक किशोरको शनिबार सकुशल उद्धार गरिएको छ। नेपाल प्रहरी र सशस्त्र प्रहरी बलको संयुक्त टोलीले तीन घण्टाको प्रयासपछि उनलाई उद्धार गरेको हो। उनीसँगै रहेका १० वर्षीय भाइ भने नदीमा बेपत्ता भएका छन्। बेपत्ता बालकको खोजी कार्य जारी रहेको प्रहरीले जनाएको छ।