विश्व अर्थतन्त्रमा जोखिम र अनिश्चितता कायमै रहेको आईएमएफ प्रमुखको भनाइ

अन्तर्राष्ट्रिय मुद्रा कोष (आईएमएफ) की प्रबन्ध निर्देशक क्रिस्टालिना जर्जिएभाले विश्व अर्थतन्त्रले अपेक्षाभन्दा बढी लचिलोपन देखाए पनि अझै महत्वपूर्ण जोखिम र अनिश्चितता कायमै रहेको बताएकी छन्। आइतबार अमेरिकाको न्युयोर्कमा आयोजित कतार इकोनोमिक फोरममा बोल्दै उनले उच्च मुद्रास्फीति, बढ्दो ऋण लागत र कृत्रिम बुद्धिमत्ता (एआई) का चुनौतीबारे चर्चा गरिन्। उनले आगामी दिनमा यी कारकहरूले विश्वव्यापी आर्थिक स्थिरतामा प्रभाव पार्न सक्ने उल्लेख गरेकी छन्।