संसद् भवनको महँगो क्यान्टिन हटाउन सांसद खगेन्द्र सुनारको माग

राष्ट्रिय स्वतन्त्र पार्टीका सांसद खगेन्द्र सुनारले संसद् भवन परिसरमा सञ्चालित क्यान्टिनको चर्को मूल्यप्रति आपत्ति जनाएका छन्। सोमबार प्रतिनिधि सभाको बैठकमा बोल्दै सांसद सुनारले उक्त क्यान्टिनले कालो चियाको १०० रुपैयाँ लिने गरेको र पाँचतारे होटल सरहको मूल्य निर्धारण गरेको बताए। उनले सिंहदरबारभित्र रहेको उक्त महँगो क्यान्टिन कसको हो भनी प्रश्न गर्दै त्यसलाई तत्काल हटाउन माग गरेका छन्।