नेपाली कम्युनिस्ट पार्टीले दुई महिने राष्ट्रिय जनअभियान सञ्चालन गर्ने

नेपाली कम्युनिस्ट पार्टीले आगामी असोज १५ गतेदेखि मंसिर १५ गतेसम्म दुई महिने राष्ट्रिय जनअभियान सञ्चालन गर्ने निर्णय गरेको छ। पेरिसडाँडास्थित पार्टी केन्द्रीय कार्यालयमा संयोजक पुष्पकमल दाहाल ‘प्रचण्ड’को अध्यक्षतामा बसेको संयोजन समितिको बैठकले यो निर्णय गरेको हो। प्रवक्ता प्रकाश ज्वालाका अनुसार राष्ट्रिय स्वाधीनता र संविधानको रक्षाका लागि यो अभियान केन्द्रदेखि गाउँ र टोलसम्म सञ्चालन गरिनेछ।