दसैँमा सहज र सुरक्षित यातायातको व्यवस्था गर्न रास्वपा सचेतक परियारको माग

राष्ट्रिय स्वतन्त्र पार्टी (रास्वपा) का सचेतक प्रकाशचन्द्र परियारले दसैँका बेला घर जाने नागरिकका लागि सहज, सुरक्षित र व्यवस्थित यातायातको प्रबन्ध मिलाउन सरकारसँग माग गर्नुभएको छ। मंगलबार प्रतिनिधिसभाको बैठकमा बोल्दै उहाँले विगतमा जस्तो सास्ती भोग्नुपर्ने अवस्थाको अन्त्य गर्न सरकारको ध्यानाकर्षण गराउनुभयो। लाखौँ नागरिकले देशका विभिन्न भूभागबाट यात्रा गर्ने भएकाले भेडाबाख्राझैँ कोचिएर हिँड्नुपर्ने बाध्यता हटाउन उहाँले जोड दिनुभयो।