प्रतिनिधिसभामा ‘कम्युनिस्ट भाष्य’ शब्दलाई लिएर सांसदहरूबीच विवाद

प्रतिनिधिसभाको बुधबारको बैठकमा राष्ट्रिय स्वतन्त्र पार्टीका सांसद रमेश प्रसाईंले प्रधानमन्त्रीको संयुक्त राष्ट्र सङ्घको महासभामा हुने सम्बोधन ‘कम्युनिस्ट भाष्य’ जस्तो हुन नहुने बताएपछि विवाद उत्पन्न भएको छ। प्रसाईंको उक्त अभिव्यक्तिप्रति नेपाल कम्युनिस्ट पार्टीकी सांसद पार्वती विकले नियमापत्ति जनाउनुभएको थियो। शून्य समयमा बोल्दै प्रसाईंले मित्रराष्ट्रहरूप्रति आक्रोश पोख्ने शैली त्याग्न सुझाव दिएपछि सत्तारुढ दलकै सांसदहरूबीच भनाभन भएको हो।