कालीगण्डकीको बाढीले स्याङ्जा र गुल्मी जोड्ने मिर्मीको पुल बगायो

कालीगण्डकी नदीमा आएको बाढीले स्याङ्जाको कालीगण्डकी गाउँपालिका–७ मिर्मी र गुल्मीको कालीगण्डकी गाउँपालिका–१ हर्मीचौर जोड्ने मोटरेबल पुल बगाएको छ। जिल्ला प्रहरी कार्यालयका सूचना अधिकारी रमेशदत्त अवस्थीका अनुसार चार दिनदेखि परेको अविरल वर्षाका कारण पुल बगेको हो। भारी वर्षाका कारण स्याङ्जाको मिर्मीस्थित कालीगण्डकी ‘ए’ जलविद्युत् परियोजनाका सबै ढोका खोलिएका छन् र आयोजनाले विद्युत् उत्पादन बन्द गरेको छ। स्याङ्जा, पर्वत र गुल्मीको संगमस्थलमा रहेको सेतीवेणी बजार डुबानमा परेको छ।

कालीगण्डकी नदीमा आएको ठूलो बाढीले स्याङ्जाको कालीगण्डकी गाउँपालिका–७ मिर्मी र गुल्मीको कालीगण्डकी गाउँपालिका–१ हर्मीचौर जोड्ने मोटरेबल पुल बगाएको छ। जिल्ला प्रहरी कार्यालय स्याङ्जाका सूचना अधिकारी रमेशदत्त अवस्थीका अनुसार चार दिनदेखिको अविरल वर्षापछि आएको यो बाढी ३० वर्षयताकै ठूलो हो। बाढीले रिडीको तल्लो बजार र स्याङ्जा, पर्वत तथा गुल्मीको संगमस्थलमा रहेको सेतीवेणी बजार डुबानमा पारेको छ। मिर्मीस्थित कालीगण्डकी ‘ए’ जलविद्युत् परियोजनाका सबै ढोका खोलिएका छन् र विद्युत् उत्पादन बन्द गरिएको छ। पर्वतको जलजलामा २० भन्दा बढी घर बगाएको जनाइएको छ।