एन्फा कोषाध्यक्ष र लेखापालको तत्काल रिहाई गर्न सर्वोच्चद्वारा अस्वीकार

सर्वोच्च अदालतले अखिल नेपाल फुटबल संघ (एन्फा) का कोषाध्यक्ष रवीन्द्र जोशी र लेखापाल सञ्जिव पाण्डेलाई तत्काल रिहा गर्न अस्वीकार गरेको छ। न्यायाधीश अब्दुल अजीज मुसलमान र बालकृष्ण ढकालको संयुक्त इजलासले रवीन्द्रलाई रिहा गर्न अस्वीकार गरेको हो भने न्यायाधीश महेश शर्मा पौडेल र सुनिल कुमार पोखरेलको संयुक्त इजलासले सञ्जिवलाई रिहा गर्न अस्वीकार गरेको हो। उनीहरूलाई हिरासतबाट मुक्त गर्न माग गर्दै सर्वोच्च अदालतमा बन्दीप्रत्यक्षीकरणसम्बन्धी रिट दायर भएको थियो। अदालतको यो निर्णयसँगै उनीहरू तत्काल रिहा नहुने भएका छन्।