राष्ट्रिय विधि विज्ञान प्रयोगशाला विधेयक प्रतिनिधिसभाबाट पारित

शिक्षा, स्वास्थ्य तथा सूचना प्रविधि समितिकी सभापति ओजस्वी शेरचनले राष्ट्रिय विधि विज्ञान प्रयोगशाला (स्थापना र सञ्चालन) विधेयकसम्बन्धी समितिको प्रतिवेदन, २०८३ प्रतिनिधिसभा बैठकमा पेस गरेकी छन्। मंगलबार सिंहदरबारस्थित संघीय संसद् भवनमा बसेको बैठकमा उक्त प्रतिवेदन पेस गरिएको हो। सो विधेयक राष्ट्रियसभामा उत्पति भएको हो।

प्रतिनिधिसभाको बुधबारको बैठकले 'राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८३' सर्वसम्मतिले पारित गरेको छ। विज्ञान, प्रविधि तथा नवप्रवर्तनमन्त्री महावीर पुनले विधेयक पारित गरियोस् भन्ने प्रस्ताव प्रस्तुत गरेका थिए। राष्ट्रियसभामा उत्पत्ति भएको उक्त विधेयक न्याय सम्पादन प्रक्रियामा वैज्ञानिक प्रमाणको भूमिका सुदृढ बनाउने उद्देश्यले ल्याइएको हो। यसअघि मंगलबार शिक्षा, स्वास्थ्य तथा सूचना प्रविधि समितिकी सभापति डा. ओजस्वी शेरचनले विधेयकसम्बन्धी समितिको प्रतिवेदन प्रतिनिधिसभामा पेस गरेकी थिइन्।

प्रतिनिधिसभाले बुधबार ‘राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८३’ सर्वसम्मतिले पारित गरेको छ । विज्ञान, प्रविधि तथा नवप्रवर्तनमन्त्री महावीर पुनले विधेयक पारित गरियोस् भन्ने प्रस्ताव प्रस्तुत गरेका थिए । राष्ट्रिय सभामा उत्पत्ति भई प्रतिनिधिसभामा पठाइएको उक्त विधेयक संशोधनसहित पारित भएपछि प्रक्रियागत रूपमा पुनः राष्ट्रिय सभामा टेबुल भएको छ । न्याय सम्पादन प्रक्रियामा वैज्ञानिक प्रमाणको भूमिका सुदृढ बनाउने उद्देश्यले ल्याइएको यो विधेयक अब ऐनका रूपमा कार्यान्वयनमा आउने प्रक्रिया अघि बढेको छ ।