लन्डनस्थित पशुपतिनाथ मन्दिरद्वारा बाढीपीडितलाई ५० लाख रुपैयाँ सहयोग

बेलायतको लन्डनस्थित पशुपतिनाथ मन्दिर व्यवस्थापन समितिले नेपालका बाढीपीडितको राहतका लागि ५० लाख रुपैयाँ सहयोग गरेको छ। समितिका उपाध्यक्ष तारा भट्टराईको नेतृत्वमा सङ्कलित उक्त रकम बेलायतका लागि कार्यवाहक नेपाली राजदूत विपिन दुवाडीलाई हस्तान्तरण गरिएको हो। समितिका अध्यक्ष रोमनाथ पाण्डेका अनुसार सो रकम राजदूतावासमार्फत प्रधानमन्त्री दैवी प्रकोप उद्धार कोषमा जम्मा गरिएको छ। कार्यवाहक राजदूत दुवाडीले विपद्का बेला प्रवासमा रहेका नेपाली समुदायले मातृभूमिप्रति देखाएको सहयोगको प्रशंसा गरेका छन्।