सभामुख अर्यालले ललितपुरको नेवार सम्पदा संरक्षणका लागि कानुन बनाउने प्रतिबद्धता जनाए

प्रतिनिधिसभाका सभामुख डोलप्रसाद (डीपी) अर्यालले ललितपुरसहित देशभरका नेवार समुदायको भाषा, कला, संस्कृति र सम्पदा संरक्षणका लागि आवश्यक कानुन निर्माणमा पहल गर्ने प्रतिबद्धता जनाएका छन् । ललितपुरमा ज्यापू समाज यलद्वारा आयोजित समाजको ३३औँ वार्षिक साधारणसभाको उद्घाटन गर्दै उनले सांस्कृतिक सम्पदा संरक्षण वर्तमान पुस्ताको जिम्मेवारी भएको बताए । सभामुख अर्यालले ललितपुरका मठमन्दिर, सांस्कृतिक सम्पदा, परम्परा र मौलिक संस्कृतिको संरक्षणमा नेवार समुदायले महत्त्वपूर्ण योगदान पुर्‍याएको उल्लेख गरे ।