तमोर नदीमा बगेर एक किशोर बेपत्ता

तेह्रथुमको म्याङलुङ नगरपालिका–१ लुमुघाटस्थित तमोर नदीमा नुहाउने क्रममा एक किशोर बेपत्ता भएका छन्। म्याङलुङस्थित दीपज्योति इङ्लिस बोर्डिङ स्कुलमा कक्षा १० मा अध्ययनरत डिप्लक लिम्बू नदीमा बगेर बेपत्ता भएका हुन्। पाँचथरको कुम्मायक गाउँपालिका–३ स्थायी ठेगाना भई तेह्रथुमको म्याङलुङमा बस्दै आएका दिलीप सम्बाहाम्फेका १६ वर्षीय छोरा डिप्लक आज साथीहरूसँग नुहाउन तमोर नदी गएका थिए। नुहाउने क्रममा नदीले बगाएर बेपत्ता भएको उनका साथीले प्रहरीलाई बताएका छन्।