सिद्धार्थ राजमार्गको सिद्धबाबा नजिक मोटरसाइकल दुर्घटनामा चालकको मृत्यु

सिद्धार्थ राजमार्गअन्तर्गत बुटवल–तानसेन सडकखण्डको तल्लो सिद्धबाबा नजिक आइतबार दिउँसो बुटवलबाट गुल्मीतर्फ जाँदै गरेको लु ७४ प ९१७१ नम्बरको मोटरसाइकल अनियन्त्रित भई भिरबाट खस्दा चालकको मृत्यु भएको छ । दुर्घटना तिनाउ गाउँपालिका–३ स्थित तल्लो सिद्धबाबा नजिक भएको हो । मृत्यु हुनेमा गुल्मीको छत्रकोट गाउँपालिका वडा नं. ३ का ४७ वर्षीय नवराज पन्थ रहेको बताइएको छ ।

पाल्पा जिल्लाको तिनाउ गाउँपालिका–३ स्थित तल्लो सिद्धबाबा मन्दिर नजिक आइतबार दिउँसो मोटरसाइकल सडकबाट खस्दा चालकको मृत्यु भएको छ। मृत्यु हुनेमा गुल्मीको छत्रकोट गाउँपालिका–३ हर्दिनेटाका ४७ वर्षीय नवराज पन्थ रहेको जिल्ला प्रहरी कार्यालयका सूचना अधिकारी एवं प्रहरी नायब उपरीक्षक भीमलाल भट्टराईले जानकारी दिए। बुटवलबाट गुल्मीतर्फ जाँदै गरेको लु ७४ प ९१७१ नम्बरको मोटरसाइकल अनियन्त्रित भई सिद्धार्थ राजमार्गको सिद्धबाबा नजिक सडकबाट खसेको थियो।