दसैँका लागि अत्तरिया बसपार्कमा यात्रु सहायता कक्ष स्थापना

दसैँ पर्वका लागि घर फर्किने यात्रुको चाप बढ्न थालेसँगै कैलालीको गोदावरी नगरपालिका–२ स्थित अत्तरिया बसपार्कमा यात्रु सहायता कक्ष (हेल्पडेक्स) सञ्चालनमा ल्याइएको छ। सुदूरपश्चिम प्रदेश प्रहरी कार्यालय धनगढीले उक्त सहायता कक्ष स्थापना गरेको हो। आज आयोजित कार्यक्रममा प्रदेश प्रहरी कार्यालय धनगढीका प्रमुख प्रहरी नायव महानिरीक्षक (डीआईजी) सानुराम भट्टराईको प्रमुख आतिथ्यतामा कक्षको विधिवत् स्थापना गरी सञ्चालनमा ल्याइएको हो। कार्यक्रममा प्रदेश प्रहरी कार्यालय तथा जिल्ला प्रहरी कार्यालय कैलालीका प्रतिनिधिहरूको उपस्थिति रहेको थियो।