तनहुँ जलविद्युत् आयोजनाको प्रसारण लाइन निर्माण ८२ प्रतिशत सम्पन्न

तनहुँको ऋषिङ गाउँपालिका–१ मा निर्माणाधीन १४० मेगावाट क्षमताको तनहुँ जलविद्युत् आयोजनाको दमौली–भरतपुर २२० केभी डबल सर्किट प्रसारण लाइन निर्माण करिब ८२ प्रतिशत सम्पन्न भएको छ। आयोजना प्रमुख श्यामजी भण्डारीका अनुसार ३५ किलोमिटर लामो प्रसारण लाइनका ९४ टावरमध्ये ८३ वटाको जग निर्माण सकिएको छ र ८० वटा टावर खडा भइसकेका छन्। वन क्षेत्रमा प्रवेश तथा रुख कटानको अनुमति पाएपछि निर्माणले थप गति लिएको छ।