एमाले महासचिव पोखरेलद्वारा कांग्रेससँग सहकार्यको आह्वान

नेकपा एमालेका महासचिव शंकर पोखरेलले लोकतन्त्रको रक्षा र देशको मुहार परिवर्तन गर्न नेपाली कांग्रेससँग मिलेर काम गर्ने समय आएको बताएका छन्। आइतबार काठमाडौंमा सुरु भएको नेपाली कांग्रेसको १५औँ महाधिवेशनको उद्घाटन समारोहलाई सम्बोधन गर्दै उनले लोकतन्त्र, सार्वभौमसत्ता, विकास र समृद्धिको पक्षमा कांग्रेससँग सहकार्य गर्न एमाले तयार रहेको बताए। त्रिचन्द्र क्याम्पसको सभादेखि नै आफूहरू सँगै उभिएको उल्लेख गर्दै पोखरेलले गगनकुमार थापा कांग्रेसको नेतृत्वमा आउनु सकारात्मक भएको बताए।