नयाँ सरकार बनेपछि पनि जनताको आक्रोश किन घटेन : विश्वप्रकाश शर्मा

नेपाली कांग्रेसका उपसभापति विश्वप्रकाश शर्माले देशमा नयाँ सरकार बनेपछि पनि जनतामा व्याप्त आक्रोश, असन्तुष्टि र अविश्वास घट्न नसकेको बताएका छन्। काठमाडौंको खुलामञ्चमा जारी नेपाली कांग्रेसको १५औँ महाधिवेशनको उद्घाटन सत्रलाई सम्बोधन गर्दै उनले सत्तारूढ राष्ट्रिय स्वतन्त्र पार्टीका सभापति रवि लामिछानेलाई अगाडि राखेर यो प्रश्न उठाएका हुन्। उनले सामाजिक सञ्जालमा एकले अर्कोलाई प्रहार गर्ने प्रवृत्तिमाथि पनि प्रश्न गर्दै जनताको आवेगलाई विश्वासमा बदल्नुपर्नेमा जोड दिए।