रौतहटको इँटा भट्टाबाट ४२ भारतीय मजदुरको उद्धार

रौतहटको इँटा भट्टामा अलपत्र परेका ४२ जना भारतीय नागरिकको प्रहरीले उद्धार गरी भारतीय सीमा सुरक्षा बलको जिम्मा लगाएको छ। गुजरा नगरपालिका–५ लक्ष्मीपुरस्थित महमद मुजामिलले सञ्चालन गरेको मदिना इँटा भट्टामा काम गर्न आएका १२ पुरुष, ११ महिला तथा उनीहरूका परिवारका सदस्य भारतीय ठेकेदार सम्पर्कविहीन भएपछि अलपत्र परेका थिए। प्रहरीले उनीहरूलाई उद्धार गरी उनीहरूकै निवासतर्फ पठाएको छ।