म्याग्दीका २६ पहिरोको अध्ययन, बेनी न्युरोडमा जोखिम बढेको चेतावनी

म्याग्दी जिल्लाका २६ पहिरोको स्थलगत अध्ययनले बेनी बजारको न्युरोड क्षेत्रमा जोखिम बढेको चेतावनी दिएको छ। अध्ययन टोलीका संयोजक खतिवडाका अनुसार पछिल्लोपटक बेनीको न्युरोडमा खसेको पहिरो सक्रिय हुनसक्ने र त्यसमाथि थप जमिन चर्किएर बग्नलाई तयार भएर बसेको अवस्था छ। उनले सावधानी अपनाउन तथा अल्पकालीन र दीर्घकालीन उपाय अवलम्बन गर्न सुझाव दिएका छन्।