नेपाली कांग्रेस सहमहामन्त्रीमा डिल्लीराम सुवेदीको उम्मेदवारी घोषणा

नेपाली कांग्रेसका युवा नेता तथा गण्डकी प्रदेशसभा सदस्य डिल्लीराम सुवेदीले पार्टीको १५औँ महाधिवेशनमा सहमहामन्त्री पदमा उम्मेदवारी घोषणा गरेका छन्। पार्टीको नयाँ नेतृत्व चयनका लागि मंगलबारदेखि सुरु भएको मनोनयन दर्ता प्रक्रियाअन्तर्गत उनले सहमहामन्त्री खुलातर्फ उम्मेदवारी दर्ता गराएका छन्। आफ्नो उम्मेदवारीलाई नयाँ र पुरानो पुस्ताबीच पर्खाल खडा गर्ने नभई दुवै पुस्तालाई जोड्ने सेतुका रूपमा अघि सार्दै उनले कांग्रेस अहिले पुस्तान्तरणको चरणमा रहेको बताएका छन्। गोरखापत्र अनलाइनका अनुसार सहमहामन्त्री पदमा सुवेदी, खतिवडा र शिवाकोटीको उम्मेदवारी परेको छ।