बाढीले क्षतिग्रस्त कोल्पुखोला पुल जोखिमपूर्ण, स्थानीय बाध्य आवतजावत

गत भदौ १० गते भोटेकोशी हुँदै त्रिशूली नदीमा आएको बाढीले धादिङ र नुवाकोटको सिमानास्थित कोल्पुखोला पुल क्षतिग्रस्त बनाएको छ। गल्छी–त्रिशूली–मैलुङ सडकखण्डअन्तर्गत पर्ने यो पुल धादिङ, नुवाकोट हुँदै रसुवा जोड्ने मुख्य सडकमार्गमा रहेको छ, जहाँ नयाँ र पुरानो गरी दुईवटा पक्की पुल छन्। बाढीले पुरानो पुल ढल्काउनुका साथै नयाँ पुलमा पनि असर पुर्‍याएको छ। पुल क्षतिग्रस्त भएपछि स्थानीयवासी जोखिम मोलेरै आवतजावत गर्न बाध्य भएका छन्।