कोहलपुरमा स्वास्थ्यकर्मीमाथिको हातपातप्रति पेसागत संघसंस्थाको विरोध, निष्पक्ष छानबिनको माग

बाँकेको कोहलपुरस्थित थापा पोलिक्लिनिकमा स्वास्थ्यकर्मीमाथि भएको दुर्व्यवहार तथा हातपातको घटनाप्रति स्वास्थ्य क्षेत्रका चार प्रमुख पेसागत संघसंस्थाले आपत्ति जनाएका छन्। नेपाल चिकित्सक संघ, नेपाल नर्सिङ संघ, नेपाल स्वास्थ्य प्राविधिक संघ र नेपाल जनस्वास्थ्य संघले संयुक्त प्रेस विज्ञप्ति जारी गर्दै घटनाको निष्पक्ष र सत्यतथ्य छानबिनको माग गरेका छन्। उक्त घटना असोज १७ गते अपरान्ह कोहलपुर नगरपालिका वडा नं. ११ स्थित पोलिक्लिनिकमा भएको हो।