झापा जिल्ला प्रशासन कार्यालयले सात सेवा फेसलेस प्रणालीबाट सुरु गर्‍यो

जिल्ला प्रशासन कार्यालय झापाले सेवाग्राहीको भौतिक उपस्थिति आवश्यक नपर्ने गरी सात प्रकारका सेवा फेसलेस प्रणालीबाट उपलब्ध गराउन सुरु गरेको छ। कार्यालयले आजदेखि परम्परागत रूपमा सञ्चालन गरिने धार्मिक तथा सांस्कृतिक कार्यक्रम, राजनीतिक तथा सामाजिक कार्यक्रम, जातीय प्रमाणित सिफारिस र नागरिकताको अभिलेख विद्युतीय प्रणालीमा अपलोडसम्बन्धी सेवा भौतिक उपस्थितिबिनै उपलब्ध गराउन थालेको हो। राष्ट्रिय परिचयपत्रसम्बन्धी सेवा पनि कार्यालय धाउन नपर्ने गरी उपलब्ध छ।