मकालु र गोदावरीको वाइनमा लेदो भेटिएपछि बिक्री–वितरण रोक

खाद्य प्रविधि तथा गुण नियन्त्रण विभागको संयुक्त अनुगमन टोलीले संखुवासभाको मकालु वाइन र गोदावरीबाट उत्पादित वाइनका बोतलभित्र आँखाले प्रस्ट देखिने लेदो भेटिएपछि बिक्री–वितरणमा रोक लगाएको छ। काठमाडौँको गोकर्णेश्वर नगरपालिका–४ स्थित ‘शुभ ओजस सप्लायर्स’मा ठुलो परिमाणको वाइन भण्डारण गरी राखिएको थियो र अनुगमनका क्रममा लेदो फेला परेपछि गोदाम सिल गरिएको छ।