दसैँका लागि पर्यटन बोर्डले देशभर लिङ्गे पिङ बनाउने

बडादसैँको अवसरमा नेपाल पर्यटन बोर्डले देशका विभिन्न पर्यटकीय गन्तव्यमा लिङ्गे पिङ निर्माण तथा सञ्चालन गर्ने भएको छ। बोर्डको पर्यटन सम्पदा तथा पर्यटन विकास महाशाखाले सांस्कृतिक पर्यटन प्रवर्द्धन गर्ने उद्देश्यले स्थानीय तह तथा पर्यटनसम्बद्ध संघसंस्थासँगको सहकार्यमा यो कार्यक्रम गर्न लागेको जनाएको छ। विशेषगरी पर्यटकको आवागमन बढी हुने र सांस्कृतिक गतिविधिका लागि उपयुक्त स्थानमा पिङ राखिनेछ, जसमा काठमाडौं उपत्यका पनि समेटिएको छ।