आङदेम्बेले मुलुक युक्रेनजस्तो बन्न सक्ने चेतावनी दिँदै कांग्रेस एकताको आह्वान गरे

नेपाली कांग्रेस संसदीय दलका नेता भीष्मराज आङदेम्बेले मुलुक अप्ठेरो अवस्थामा रहेका बेला कांग्रेस फुट्न, छुट्न वा विचारमा विभाजित हुन नहुने बताएका छन्। बुधबार काठमाडौंमा कांग्रेसको महाधिवेशनअन्तर्गत बन्दसत्रमा सम्बोधन गर्दै उनले एल्गोरिदम र सस्तो लोकप्रियताका भरमा आएका तत्वहरूले मुलुकलाई कुन बेला दुर्घटना वा युक्रेनजस्तै परिस्थितिमा पुर्‍याउँछन् भन्ने ठेगान नभएको चेतावनी दिए। उनले यस्तो जटिल अवस्थामा नेपाली कांग्रेस एकताबद्ध हुनुपर्नेमा जोड दिए।