इजरायल केयरगिभर ठगी प्रकरणमा सीआईबीले पीडितसँग जाहेरी माग्यो

इजरायलमा केयरगिभर रोजगारीका लागि पठाइदिने प्रलोभन देखाएर करोडौँ रुपैयाँ ठगी भएको घटना सार्वजनिक भएपछि नेपाल प्रहरीको केन्द्रीय अनुसन्धान ब्यूरो (सीआईबी) ले पीडितहरूलाई सम्पर्कमा आई जाहेरी दर्ता गर्न आह्वान गरेको छ। सीआईबीका अनुसार दुई वर्षअघि इजरायलको केयरगिभर रोजगारीका लागि सञ्चालित परीक्षा उत्तीर्ण भई प्रतीक्षा सूचीमा रहेका परीक्षार्थीहरूको मानसिक तनाव र बाध्यताको फाइदा उठाउँदै उक्त गिरोहले योजनाबद्ध रूपमा ठगी गरेको थियो। फर्जी कागजात देखाएर साढे २ करोड रुपैयाँ बढी ठगी भएको बताइएको छ।