स्वास्थ्यमन्त्री निशा मेहताले टेलिमेडिसिन सेवा प्रभावकारी बनाउने विषयमा छलफल गरिन्

स्वास्थ्य तथा खाद्य स्वच्छतामन्त्री निशा मेहताले टेलिमेडिसिन सेवालाई थप प्रभावकारी, व्यवस्थित र दिगो बनाउने विषयमा छलफल गरेकी छिन्। स्वास्थ्य तथा खाद्य स्वच्छता मन्त्रालयमा भएको उक्त छलफलमा स्वास्थ्य सचिव डा. विकास देवकोटासहित विभागका निमित्त महानिर्देशक, पाटन अस्पताल र वीर अस्पतालका प्रतिनिधि तथा उपचारात्मक सेवा महाशाखाका प्रमुखलगायत सहभागी थिए। छलफलमा टेलिमेडिसिन सेवा दिगो रूपमा सञ्चालन गर्ने विषयमा जोड दिइयो।