गुल्मीमा खसेको तारबाट करेन्ट लागेर एक युवाको मृत्यु

गुल्मीको धुर्कोट गाउँपालिका–५ अधेरी बस्ने कृष्ण प्रसाद भण्डारीका २४ वर्षीय छोरा ऋषिराम भण्डारीको करेन्ट लागेर मृत्यु भएको छ। जिल्ला प्रहरी कार्यालयका अनुसार मंगलबार दिउँसो खेतमा पानी लगाउन गएका भण्डारी सम्पर्कविहीन भएपछि आफन्त तथा छरछिमेकले खोजी गर्दा बुधबार बिहान सिमलचौरस्थित आफ्नै खेतमा मृत अवस्थामा भेटिएका हुन्। उनलाई विद्युत् पोलबाट लत्रिएको तारबाट करेन्ट लागेको प्रहरीले जनाएको छ।

गुल्मीको धुर्कोट गाउँपालिका–५ अधेरीका २४ वर्षीय ऋषिराम भण्डारीको सिमलचौरस्थित आफ्नै खेत नजिकै लत्रिएको बिजुलीको तारबाट करेन्ट लागेर मृत्यु भएको छ। जिल्ला प्रहरी कार्यालयका अनुसार भण्डारी मङ्गलबार दिउँसो सिमलचौर र चापटारीस्थित खेतमा पानी लगाउन भनी घरबाट निस्किएका थिए र साँझसम्म घर नफर्किएपछि आफन्त तथा छरछिमेकीले खोजी गरेका थिए। खोजीकै क्रममा आज बिहान खेत नजिकै लत्रिएको तारमा परी उनको मृत्यु भएको अवस्थामा फेला परेको प्रहरीले जनाएको छ। उनी धुर्कोट गाउँपालिका–५ अधेरीका कृष्ण प्रसाद भण्डारीका छोरा हुन्।