हेटौँडाबाट ५२ नागरिकतासहित रौतहटका तीन युवा पक्राउ

मकवानपुर प्रहरीले हेटौँडाबाट रौतहटका तीन युवालाई ५२ थान नागरिकता, ठूलो संख्यामा मोबाइल सिमकार्ड र चेकबुकसहित पक्राउ गरेको छ। पक्राउ पर्नेहरूमा रौतहटको कटहरिया नगरपालिका–८ का १९ वर्षीय अजय कुमार यादव, सोही स्थानका १९ वर्षीय पवन कुमार दास र बौधिमाईका एक युवा छन्। उनीहरू आपराधिक क्रियाकलापमा संलग्न रहेको सूचनाका आधारमा जिल्ला प्रहरी कार्यालय मकवानपुरबाट खटिएको प्रहरी टोलीले हेटौँडा उपमहानगरपालिका वडा नं. ५, सानोपोखरास्थित रामबहादुर पोखरेलको घरमा खानतलासी लिएर पक्राउ गरेको हो। उनीहरूलाई ठगीसम्बन्धी कसुरमा संलग्न रहेको आशंकामा नियन्त्रणमा लिइएको छ।