शिक्षा विधेयकमा निजी विद्यालयको लगानी सुरक्षाबारे सरोकारवालाको बहस

ललितपुरमा आयोजित कार्यक्रममा सरोकारवालाहरूले शिक्षा विधेयकमा निजी विद्यालयको लगानी सुरक्षा, नीतिगत सहभागिता र शैक्षिक गुणस्तरका विषय स्पष्ट रूपमा सम्बोधन गर्नुपर्नेमा जोड दिएका छन्। निजी तथा आवासीय विद्यालय अर्गनाइजेसन नेपाल (प्याब्सन) ललितपुर जिल्ला कार्यसमितिले आयोजना गरेको बृहत् शैक्षिक बहसमा सहभागी वक्ताहरूले शिक्षा क्षेत्रको सुधारका लागि राज्य र निजी क्षेत्रबीच सहकार्य आवश्यक रहेको बताए। बहसमा प्रतिनिधिसभाको पनि सहभागिता रहेको थियो।