भक्तपुरमा ८४ लाख ७६ हजार बराबरको सुन चोरीमा पाँच जना पक्राउ

भक्तपुरको मध्यपुरथिमि नगरपालिका-१ लोकन्थलीस्थित एउटा घरबाट सुनका गरगहना, ल्यापटप र नगद गरी रु ८४ लाख ७६ हजार ७०० बराबरको धनमाल चोरी भएको घटनामा संलग्न रहेको आरोपमा प्रहरीले पाँच जनालाई पक्राउ गरेको छ । काठमाडौँ उपत्यका अपराध अनुसन्धान कार्यालयको टोलीले चोरी गर्ने तथा चोरी गरिएका सुनका गरगहना खरिदबिक्री गर्ने काममा संलग्न रहेको आरोपमा उनीहरूलाई काठमाडौँका विभिन्न स्थानबाट पक्राउ गरेको हो । रिपोर्टहरूका अनुसार उक्त चोरी असोज १८ गते भएको थियो ।