बूढीगण्डकी बाढीपीडितको उद्धार र राहतमा जुट्न रास्वपा सभापति लामिछानेको निर्देशन

राष्ट्रिय स्वतन्त्र पार्टी (रास्वपा) का सभापति रवि लामिछानेले बूढीगण्डकी नदीमा आएको बाढीबाट प्रभावित नागरिकको उद्धार, राहत तथा सहयोगमा जुट्न पार्टीका सदस्यहरूलाई निर्देशन दिएका छन्। आइतबार सामाजिक सञ्जालमार्फत लामिछानेले गोरखाको चुमनुब्री क्षेत्रमा व्यापक क्षति पुगेको र न्याक्चेत–फिलिम तथा धादिङ–गोरखा जोड्ने महत्त्वपूर्ण पुलसमेत बगाएको खबरले आफूलाई मर्माहत बनाएको बताएका छन्। उनले गोरखाको स्यारखोला हुँदै बूढीगण्डकी नदीमा आएको बाढीबाट प्रभावितको उद्धारमा सरकारी निकायसँग समन्वय गर्न पनि कार्यकर्तालाई निर्देशन दिएका छन्।