कांग्रेस बदल्ने अभियान पदमा सीमित छैन : नैनसिंह महर

नेपाली कांग्रेसको १५औँ महाधिवेशनमा महामन्त्री पदमा पराजित नेता नैनसिंह महरले नवनिर्वाचित सभापतिसहित सम्पूर्ण पदाधिकारीलाई बधाई दिँदै सफल कार्यकालको शुभकामना व्यक्त गरेका छन्। आफ्नो अभियानमा साथ, सहयोग, सद्भाव र विश्वास दिने सम्पूर्ण नेता, महाधिवेशन प्रतिनिधि तथा शुभेच्छुकप्रति उनले आभार व्यक्त गरेका छन्। कांग्रेस बदल्ने संकल्प कुनै पद वा निर्वाचनको परिणाममा सीमित नरहेको स्पष्ट पार्दै उनले पार्टी पुनर्निर्माण, राजनीतिक संस्कारको रूपान्तरण र समाजको सकारात्मक परिवर्तनका लागि आफ्नो अभियान निरन्तर जारी रहने बताएका छन्।