पाँच देशका नवनियुक्त राजदूतले राष्ट्रपति पौडेलसमक्ष ओहोदाको प्रमाणपत्र पेस गरे

नेपालका लागि विभिन्न देशका नवनियुक्त राजदूतहरूले बुधबार राष्ट्रपति रामचन्द्र पौडेलसमक्ष ओहोदाको प्रमाणपत्र पेस गरेका छन्। राष्ट्रपति कार्यालय शीतल निवासमा छुट्टाछुट्टै विशेष समारोहमा उनीहरूले ओहोदाको प्रमाणपत्र पेस गरेका हुन्। तीमध्ये नेपालका लागि इन्डोनेसियाकी गैरआवासीय राजदूत लिस्टियोवातीले पनि राष्ट्रपति पौडेलसमक्ष ओहोदाको प्रमाणपत्र प्रस्तुत गरेकी छिन्।

काठमाडौँस्थित राष्ट्रपति कार्यालय शीतलनिवासमा बुधबार आयोजित विशेष समारोहमा पाँच देशका नवनियुक्त राजदूतले राष्ट्रपति रामचन्द्र पौडेलसमक्ष ओहोदाको प्रमाणपत्र पेस गरेका छन्। ओहोदाको प्रमाणपत्र पेस गर्नेमा सुडानका डा. मोहम्मद अब्दल्ला एल्टोम, ब्रुनाई दारुस्सलामका सिती अर्निफरिजा बिन्ती मोहम्मद जैनी, इन्डोनेसियाकी लिस्ट्योवती, युरोपेली सङ्घका चार्ल्स ह्वाइटली र घानाका कोजो बोन्सु रहेका छन्। उनीहरू नेपालका लागि गैरआवासीय राजदूत हुन् र छुट्टाछुट्टै विशेष समारोहमा प्रमाणपत्र पेस गरिएको हो।