न्यायाधीश बम हत्याका दोषी बाबु थापा हतियारसहित सर्लाहीबाट पक्राउ

सर्वोच्च अदालतका तत्कालीन न्यायाधीश रणबहादुर बमको हत्यामा दोषी ठहर भई जन्मकैद सजाय भुक्तान गरिरहेका मेघबहादुर थापा उर्फ बाबु थापा पुनः पक्राउ परेका छन्। गत वर्ष २४ भदौमा भएको जेनजी आन्दोलनका क्रममा कारागारबाट फरार भएका उनलाई प्रहरीले सर्लाहीस्थित घरबाटै पक्राउ गरेको हो। पक्राउका क्रममा उनीसँग दुई पेस्तोल र १५ राउन्ड गोली बरामद भएको छ। जिल्ला प्रहरी कार्यालय सर्लाहीका अनुसार उनी सर्लाहीका बासिन्दा हुन्।