स्याङ्जाको कृषि केन्द्रले उत्पादन लागत घटाउन आधुनिक यन्त्र प्रयोग गर्दै

स्याङ्जाको वालिङ–१ यवादीमा अवस्थित कृषि विकास श्रोत केन्द्रले उत्पादन लागत कम गर्न आधुनिक यन्त्र उपकरणको प्रयोगमा जोड दिएको छ। गण्डकी प्रदेशका एघार जिल्ला कार्यक्षेत्र रहेको उक्त कार्यालयले पहिलो पटक धान काट्ने अत्याधुनिक मेसिनको प्रयोग थालेको हो। पछिल्लो समय कृषि क्षेत्रमा लागत बढ्दै गएकाले त्यसलाई कम गर्न आधुनिक प्रविधि भित्र्याउनुपरेको कार्यालय प्रमुख सुदीपले बताए।