फ्रान्समा महँगीविरुद्धको प्रदर्शन हिंसात्मक, १२ सयभन्दा बढी पक्राउ

बढ्दो महँगी तथा जीर्ण विद्यालय भवन र शिक्षक अभावजस्ता शिक्षा प्रणालीका समस्याविरुद्ध फ्रान्सभर प्रदर्शन भएको छ, जसमा राजधानी पेरिससहित प्रमुख सहरहरूमा ५ लाख ५० हजारभन्दा बढी नागरिक सडकमा उत्रिएका थिए। सुरुमा विद्यार्थीहरूले सुरु गरेको यो आन्दोलनमा पछि ट्रेड युनियनहरू पनि सहभागी भएका थिए। शनिबार देशका विभिन्न भागमा भएका झडप, तोडफोड र आगजनीका घटनामा १२ सयभन्दा बढी मानिस पक्राउ परेका छन् भने १५० प्रहरी घाइते भएका छन्। फ्रान्स सरकारले यसलाई हिंसाको खतरनाक वृद्धिका रूपमा परिभाषित गरेको छ।

बढ्दो महँगी, सामाजिक असमानता र विद्यालयको दयनीय अवस्थाविरुद्ध शनिबार फ्रान्सभर भएको प्रदर्शन हिंसात्मक बनेको छ। राजधानी पेरिससहित प्रमुख सहरहरूमा प्रदर्शनकारी र प्रहरीबीच झडप, तोडफोड, लुटपाट र आगजनीका घटना भएका छन्। अनुमानित ५ लाख ५० हजार मानिस सडकमा उत्रिएका थिए भने १२ सयभन्दा बढी पक्राउ परेका छन् र करिब १५० प्रहरी घाइते भएका छन्। फ्रान्स सरकारले यसलाई ‘हिंसाको खतरनाक वृद्धि’ का रूपमा परिभाषित गरेको छ।