रौतहटको औरैया प्रसूति केन्द्र जलवायु–उत्थानशील ‘मोडेल’ बन्न सफल

रौतहटको ईशनाथ नगरपालिकास्थित औरैया प्रसूति केन्द्र मातृ तथा नवजात शिशु स्वास्थ्य सेवालाई जलवायु–उत्थानशील बनाउने ‘मोडेल’का रूपमा सफल भएको छ। युएनएफपिएको सहयोगमा स्थापित सो मोडेलले जलवायुजन्य विपद्का समयमा पनि अग्रपङ्क्तिमा क्रियाशील स्वास्थ्य संस्थाहरूले जीवन रक्षाका क्षेत्रमा निरन्तर सेवा सञ्चालन गर्न सक्छन् भन्ने प्रमाणित गरेको छ। औरैया प्रसूति केन्द्रमा आयोजित नीतिगत संवाद कार्यक्रममा सो मोडेलको मूल्याङ्कन प्रस्तुत गरिएको थियो।