वाग्मती सफाइ महाअभियानको ७०२औँ हप्ता गुह्येश्वरीमा सम्पन्न

‘राष्ट्रका लागि हप्ताको दुई घण्टा स्वयंसेवा’ नाराका साथ सञ्चालित वाग्मती सफाइ महाअभियानअन्तर्गत शनिबार काठमाडौंको गुह्येश्वरी मन्दिरअगाडि वाग्मती नदी र किनारमा ७०२औँ हप्ताको सफाइ गरिएको छ । दसैँमा दुर्गा पूजाका लागि बनाइएका मूर्ति नदीमा विसर्जन गर्दा जम्मा भएको फोहोर सफा गरिएको अभियानकर्मी किशोरसिं शाहीले जानकारी दिए । नवदुर्गाको पूजा गरिएका मूर्तिहरू नदी किनारमा राखिएका छन् । सफाइका क्रममा कुहिने फोहोर वाग्मती किनारमै गाडिएको थियो भने नकुहिने फोहोर ट्रकमा राखेर व्यवस्थापन गरिएको थियो ।