बङ्गलादेशमा एकै दिन दुई हजार २४९ जनामा डेङ्गु सङ्क्रमण पुष्टि

बङ्गलादेशमा आइतबार बिहान ८ बजेसम्मको २४ घण्टामा दुई हजार २४९ जनामा डेङ्गु सङ्क्रमण पुष्टि भएको छ। स्वास्थ्य सेवा महानिर्देशनालयका अनुसार यो यस वर्षको एकै दिनको सबैभन्दा उच्च सङ्ख्या हो। सोही अवधिमा थप सात जनाको मृत्यु भएको छ। यस वर्ष हालसम्म डेङ्गु सङ्क्रमितको कुल सङ्ख्या एक लाख २३ हजार ९४८ पुगेको छ भने मृत्यु हुनेको सङ्ख्या ३८४ पुगेको छ।