पशुपति फाउन्डेसन अमेरिकाद्वारा प्रधानमन्त्री राहत कोषमा डेढ करोड सहयोग

नेपालको भोटेकोशी क्षेत्रमा गएको बाढीबाट प्रभावित नागरिकहरूको राहत तथा पुनर्स्थापनाका लागि अमेरिकाको दक्षिणी क्यालिफोर्नियामा सक्रिय श्री पशुपतिनाथ फाउन्डेसन लस एन्जलसले डेढ करोड नेपाली रुपैयाँ सहयोग गरेको छ। फाउन्डेसनका अध्यक्ष बिमल श्रेष्ठका अनुसार अमेरिकामा रहेका नेपाली समुदायबाट संकलित ९९ हजार ६४ अमेरिकी डलर उक्त रकम प्रधानमन्त्री राहत कोषमा पठाइएको छ।

अमेरिकाको दक्षिणी क्यालिफोर्नियामा सक्रिय श्री पशुपतिनाथ फाउन्डेसन लस एन्जलसले भोटेकोशी बाढीबाट प्रभावित नागरिकको राहत तथा पुनःस्थापनाका लागि करिब डेढ करोड नेपाली रुपैयाँ सङ्कलन गरी प्रधानमन्त्री राहत कोषमा पठाएको छ। फाउन्डेसनका अध्यक्ष बिमल श्रेष्ठका अनुसार अमेरिकामा रहेका नेपाली समुदायबाट ९९ हजार ६४ अमेरिकी डलर सङ्कलन भएको थियो। बैंक शुल्क कटाएर ९७ हजार ८७५ अमेरिकी डलर प्रधानमन्त्री राहत कोषमा जम्मा गरिएको उनले जानकारी दिए। सहयोग हस्तान्तरणमा वासिङ्टन डीसीस्थित नेपाली राजदूतावासका अधिकारीहरू सम्मिलित भएका थिए।