कृषि अनुदान ठगी प्रकरणमा दुई जना पक्राउ

कृषि फार्मका लागि सरकारी सहुलियत अनुदान मिलाइदिने भन्दै ५ करोड ८० लाख रुपैयाँ ठगी गरेको आरोपमा दुई जनालाई केन्द्रीय अनुसन्धान ब्यूरो (सीआईबी) ले पक्राउ गरेको छ। पक्राउ पर्नेमा काठमाडौं महानगरपालिका–१४ ताहाचलका ५२ वर्षीय श्रीकृष्ण महर्जन र ललितपुर महानगरपालिका–१४ नखिपोटका ६० वर्षीय नारायण खनाल छन्। जालिम सिंह महतोको जाहेरीका आधारमा उनीहरूलाई पक्राउ गरिएको हो। उनीहरूले सिंहदरबारस्थित विभिन्न मन्त्रालयका कर्मचारीसँग राम्रो चिनजान रहेको भन्दै अनुदान दिलाउने प्रलोभन देखाएको आरोप छ।