सिँचाइ महानिर्देशक र सुनकोशी मरिण आयोजना प्रमुखलाई नियन्त्रणमा लिई प्रधानमन्त्री कार्यालयमा उपस्थित गराइयो

जलस्रोत तथा सिँचाइ विभागका महानिर्देशक दिनेश रजौरिया र सुनकोशी मरिण डाइभर्सन बहुउद्देश्यीय आयोजनाका निर्देशक कृष्णप्रसाद रिजाललाई प्रहरीले नियन्त्रणमा लिएर शुक्रबार सिंहदरबारस्थित प्रधानमन्त्री कार्यालयमा उपस्थित गराएको छ। रजौरियालाई बिहीबार सिरहाको लहानबाट र सहसचिवसमेत रहेका रिजाललाई सिन्धुलीबाट नियन्त्रणमा लिइएको थियो। काठमाडौं उपत्यकाबाहिर रहेका उनीहरूलाई बिहीबार नियन्त्रणमा लिएर शुक्रबार प्रधानमन्त्री कार्यालयमा बुझाइएको हो।

जलस्रोत तथा सिँचाइ विभागका महानिर्देशक दिनेश रजौरियालाई सिरहाको लहान र सुनकोशी मरिण डाइभर्सन बहुउद्देश्यीय आयोजनाका निर्देशक कृष्णप्रसाद रिजाललाई सिन्धुलीबाट बिहीबार प्रहरीले नियन्त्रणमा लिएको थियो। शुक्रबार दुवै जनालाई सिंहदरबारस्थित प्रधानमन्त्री कार्यालयमा उपस्थित गराइएको छ। आयोजनाको नयाँ ठेक्काको आर्थिक प्रस्ताव खोल्नुभन्दा दुई दिनअघि ठेक्का रद्द गरिएको छ। दुई इन्जिनियरको पक्राउप्रति नेपाल इन्जिनियर्स एशोसिएसनले विज्ञप्ति जारी गर्दै आपत्ति जनाएको छ र कारण सार्वजनिक गर्न माग गरेको छ।