मोरङको कानेपोखरीमा पाँच वर्षपछि केरौन १३२ केभी सबस्टेसन सञ्चालनमा

नेपाल विद्युत् प्राधिकरणले केरौन १३२/३३ केभी सबस्टेसन आयोजनाको उपकरण परीक्षण तथा सञ्चालनका लागि कोशी प्रदेशका पाँच जिल्ला र मोरङका केही क्षेत्रमा विद्युत् आपूर्ति बन्द गरेको छ। दुहबी–दमक १३२ केभी प्रसारण लाइनमा काम गर्नुपर्ने भएकाले शनिबार र आइतबार बिहान ४ बजेदेखि दिउँसो १२ बजेसम्म विद्युत् आपूर्ति बन्द हुने प्राधिकरणले सार्वजनिक सूचना जारी गरी जनाएको छ।

नेपाल विद्युत् प्राधिकरणले मोरङको कानेपोखरी–२ स्थित केरौन १३२/३३ केभी सबस्टेसनलाई चार्ज गरी सञ्चालनमा ल्याएको छ। पाँच वर्षअघि निर्माण सुरु भएको यो सबस्टेसन पूर्व–पश्चिम १३२ केभी प्रसारण लाइनको दुहबी–दमक खण्डमा पर्छ र यसले मोरङका उत्तरी तथा दक्षिणपूर्वी क्षेत्रको विद्युत् आपूर्तिलाई भरपर्दो, गुणस्तरीय र सुरक्षित बनाउने अपेक्षा गरिएको छ। सबस्टेसनका उपकरण परीक्षण तथा सञ्चालनका क्रममा शनिबार र आइतबार कोशी प्रदेशका पाँच जिल्लासहित मोरङका केही क्षेत्रमा विद्युत् आपूर्ति बन्द गरिएको थियो। आइतबार ताप्लेजुङसहित कोशी प्रदेशका चार जिल्लामा करिब आठ घण्टा केन्द्रीय प्रसारण लाइन अवरुद्ध भएको थियो।